ФОТО: Реанимација и масажи за враќање на енергијата
Напорите од мечот со Хрватска, но пред се од серијата на натпревари во турнирски систем, силно ги трошат нашите ракометари, но сите знаат дека вистинските испити доаѓаат на крајот од оваа недела и треба да се „наполнат акумулаторите„ и да се освежат телата во пресрет на мечот со Австрија и осминафиналето.
Јоноски со повреден зглоб, не „мириса„ на добро
Ако повредите не штедеа во првата недела од мундијалот, сега како да почнуваат проблемите. Настапот на Ацо Јоноски на мечот со Австрија е неизвесен, бидејќи му е отечен зглобот на десната нога и не може нормално да се движи, а камо ли да тренира. Стружанецот го повреди зглобот во почетните минути од натпреварот со Хрватска и видлива беше неговата болна гримаса на лицето.
Гајиќ прв стрелец, Лазаров прв во голови + асистенции
Кирил Лазаров падна на третото место на листата на стрелците, но и натаму е лидерот во категоријата голови и асистенциии, по кои се гледа комплетноста на ракометарите. Во неверојатен прогрес во текот на вчерашниот ден беа Гајиќ, Марковиќ и Чупиќ, кои се приклучија во групата за првото место и во двете категории:
ВИДЕО: Спелерберг: „Го сменивме системот, поагресивни сме во одбрана„
Голем дел од врвните репрезентации на ова светско првенство доаѓаат со проверени сили и скоро со ист играчки кадар. Но Данска е една од селкециите која го смени селекторот. И тоа не било кого, туку Улрих Вилбек, кој си замина по повеќе од успешна деценија работа. Еден од сенаторите во данскиот состав, Бо Спелерберг ја анализираше промената со Вилбек и неговиот наследник Гудмунсон:
Босанците се жалат дека се скандалозно украдени
Босна и Херцеговина водеше со 24:22 и прими 5 гола од Тунис во периодот кога играше со 1 или 2 ракометари помалку. Поразот значеше елиминација од борбата за нокаут-фазата и преселба во „Духаил арената„ во „Президент Купот„ во борбата од 16 до 24 место.
ВИДЕО: Карачиќ: „Македонија покажа зошто е хит на турнирот„
Првиот голем турнир во дресот на хрватската репрезентација на Иван Карачиќ сигурно ќе му донесе е емоции за цел живот, со оглед на тоа што ќе игра против неговиот брат, а вечерва играше и против многу соиграчи од Вардар. За разлика од останатите, тој истакна дека Македонија била повеќе од достајна, жилава и опасна:
ВИДЕО: Дувњак: „Алиловиќ и одбраната беа факторот за наша победа„
Можеби не беа перфектни, но хрватите го најдоа патот до победата, а како клучен фактор за триумфот го посочија голманот Алиловиќ и цврстата одбрана, која го запре македонскиот напад на почетокот од второто полувреме. Ракометарот на Кил, Домагој Дувњак смета дека Македонија немаше свои опции да направи подвиг:
Голужа: „Македонија не може подобро, ние добивме рутински„
Хрватскиот селектор Славко Голужа ликуваше по победата против Македонија и смета дека во ниту еден момент неговата репрезентација не ризикуваше да не победи. Бившиот тренер на Загреб смета дека Македонија со овие 60 минути го даде максимумот и не може повеќе од денешното:
Светскиот првак се извади, Босна пак „потона„
Во натпревар кој како и нашиот со Хрватска, во игра беше првото место од А групата, Шпанија го совлада Катар со 28:25 (8:10). Валеро Ривера и неговиот катарски тим беше на чекор да го совлада светскиот првак, откако Стојановиќ бранеше одлично, а Жарко Марковиќ со 10 гола го торпедираше тимот на „црвената фурија„
Турболентна победа на Словенија, рутински слават и Австрија и Белорусија
Мечот на Словенија и Бразил во „Духаил арената„ беше бркотница во текот на сите 60 минути. Нападот преовладуваше над одбраната и бројот на голови беше скоро па рекорден. Бразил отвори со 3:0, но Зорман одлично разигруваше, а Доленец и пред се Гајиќ погодуваа. Така во првиот дел момците на Дениќ имаа во три наврати по 3 гола предност. На одмор се замина со 19:18, благодарение на Фелипе Рибеиро и неговите 5 гола, скоро сите од контри. Шкоф на голот и Гајиќ секогаш прв во контра ја доближија Словенија до победа со 28:24 во 43 минута.