ВИДЕО: „Фалангата„ е горда и ужива во Доха
Повеќе од 200 македонски навивачи, голем дел од нив од нашата земја, некои од Швајцарија, а некои од ОАЕ и Катар се собраа на едно место во националните бои и се пример како треба да се навива. Наспроти хрватските провокации „Фалангата„ остана достоинствена, колоритна и што е најважно гласна.
Лекција од Јиха за Исланд, Данска авторитетно против Русија
Можеби некои не очекуваа, но Чешка сосема поинаки го почна мечот со Исланд, за разлика од оној со Египет. А и Палмарсон и другарите не личеа на оној тим кој му парираше на Франција. Штокл на голот одлично го отвори мечот, а Филип Јиха и Мирослав Јурка на чешките бели им донеси огромни 4:11 во 12 минута.
Осминафиналето ќе го играме в недела, само не се знае каде и во кој термин
По вчерашниот расплет во А и Б групите извесно е дека Македонија не може да биде ниту прва, ниту четврта во својата Б група и се знае дека в недела на 25 јануари ќе го игра мечот од осминафиналето. Извесно е дека наш противник ќе биде или Катар или Словенија, а неизвесно е кога и каде ќе се игра тој прв меч од нокаут-фазата.
Реми во драмата на Египет и Шведска, нова германска победа
Во амбиент како да се игра во Каиро, мечот на Шведска и Египет постојано одеше по теркот на египјаните. Се играше бавно, со многу цврсти дуели, немаше многу трчање што би им одговарало на „трите круни„ Шведска со головите на двете одлични крила Екберг и Калман се одлепи на 6:4, но од таа 13 минута на сцена стапи агресивната египетска одбрана, која ги остави без решение момците на Штафан Олсон и Ола Линдгрен. Хандави на голот правеше чуда, Али Мохамед и Мохамед Амер полека се доближуваа, а Ахмед Елахмар со два гола на одмор му донесе израмнување на „црвените„ Исклучувањата на Екберг и Тобијас Карлсон им дозволија на египетските ракометари да отидат до 11:15, па и 12:16 во 39 минута.
Мечевите со Австрија секогаш ни носеле радост
Утре Македонија и Австрија по четврт пат ќе се сретнат во нивната ракометна историја. Во два од трите меѓусебни натпревар, славеше нашиот национален тим, а единствениот пораз во Виена во јуни 2012 година е безболен, бидејќи претходно со поголема разлика, Лазаров и другарите славеа во Скопје. Па традицијата нека продолжи и по утрешниот дуел во Доха.
Јоноски го пропушти попладневниот тренинг
Фото - Спортмедиа
Болните гримаси на лицето на нашиот дефанзивен лидер, Ацо Јоноски се забележаа уште во првото полувреме на вчерашниот меч со Хрватска. Веројатно да не беше мундијалски меч, стружанецот превентивно ќе беше поштеден, но тој херојски го издржа до крај мечот со „коцкестите„ Утрово стигна веста дека неговиот скочен зглоб е потечен и попладнево од 15 часот, Јоноски не тренираше.
Николов и Начевски ќе им судат на данците и русите
Напоредно со добрите презентации на нашите ракометари и македонскиот судиски интернационален пар Ѓорѓи Начевски и Славе Николов добива високи оценки за своето судење и доверена им е арбитражата на мечот Данска - Русија во „Лусаил арената„ во Доха од 19 часот по средно европско време.
ФОТО: Хрватските медиуми ликуваат ден по победата
Контрадикторни наслови, изјави кои се на еден или друг начин пренесени, но почеток на вообичаената еуфорија за време на големите турнири ги зафаќа хрватите кои ликуваат по победата против Македонија. Некои пишуваат дека полесно од очекуваното е победена „четата„ на Обрван, согласувајќи се со Славко Голужа, други пак одобруваат дека „коцкестите„ полека ја подигаат формата.
ВИДЕО: Мајер: „Секако дека сакаме да ви се реваншираме„
Колку што ние со оптимизам и насмевка гледаме на наредниот противник, Австрија, толку и момците на Јоханесон се мотивирани да ни се реваншираат за нашите последни големи победи во баражот во летото 2012 година и на последното европско првенство во Данска. Тоа може да се забележи и во зборовите на австрискиот ракометар Лукас Мајер:
Египет е вистинскиот домаќин на мундијалот
Египет загуби на првите два натпревари, па го доби третиот, но на овој мундијал ја има најбројната поддршка од сите репрезентации. Околу 4.000 фанови кои непрекинато ја бодрат својата репрезентација на трибините од „Ал Саад„ арената беа на трибините и со Франција и со Чешка.
