Наџи се здоби со скршеница, ќе отсуствува два месеци

Ветеранот и капитенот на Веспрем, Ласло Наџи, поради фрактура на раката ќе отсуствува од тимот во наредните два месеци. Десниот бек ја повредил шутерската рака во дуелот со Тобијас Карлсон, на саботниот меч помеѓу Веспрем и Фленсбург (28:24). Европскиот вицешампион, Веспрем во наредниот период на десната бековска позиција ќе го има само германскиот интернационалец Кристијан Цајс.

Повредата на унгарскиот ас е дополнителен проблем за Веспрем, кој и натаму не назначил наследник на сменетиот тренер Ортега.