Станиќ ќе брани за Србија на евро-шампионатот во Полска

Дарко Станиќ реши повторно да настапува за ракометаната репрезентација на Србија. Како што пренесува „Спортски журнал" , селекторот Дејан Периќ се договорил со Станиќ тој да биде во тимот кој ќе настапи на ЕП во Полска.„Разговаравме конкретно и долго.

Нашите визии се поклопуваат и во интерес на ракометот Дарко ќе ѝ помогне на репрезентацијата на ЕП во Полска. Тој има желба, поседува огромно искуство, а тоа е добитна комбинација" изјави српскиот селектор Периќ. Претходно предводникот на Србија се договорил и со Жарко Шешум и тој по подолга пауза да се врати во националниот тим.