По ремито во Полска, Веспрем му врачи отказ на Карлос Ортега

Антонио Карлос Ортега на големо изненадување на ракометната јавност, доби отказ од тренерското место во европскиот вицешампион Веспрем.. По ремито со Висла (27:27), иако Веспрем, скоро цел меч водеше, а на крајот остана на бод, раководството на клубот се одлучи за овој радикален потег.

Претходно Веспрем го загуби и финалето на IHF Супеглоб од Фуксе Берлин. Шпанецот дојде во Веспрем во 2012 година и со него трипати стана шампион на оваа земја, лани ја освои СЕХА-лигата и стигна до финалето на Лигата на шампионите. Сеуште е рано да се назначи неговиот наследник, а нема ниту јасни шпекулации околу тоа кој може да го превземе тимот кој важи за еден од најголемите фаворити за европската титула оваа сезона.