Веспрем тренира ватерполо, подготвувајќи се за новата сезона

Во склоп на подготовките за новата сезона, екипата на Веспрем практикува несекојдневен вид на тренинзи. Денес момците на Ортега тренираа ватерполо. Овој спорт има голема традиција во Унгарија и служеше како релаксација меѓу секејодневните тренинзи и турнирски натпревари.

Унгарските ракометари во таборот на Веспрем подобро се снаоѓаа од останатите. Оваа година Веспрем е еден од најсериозните кандидати за освојување на Лигата на шампионите, откако минатата година го загуби финалето во Келн од Барселона. Сепак во Унгарската лига, Куп и СЕХА лигата, тимот на Ортега неприкосновено стигна до титулата.