Без разлика што разочарувањето на целата екипа на Атлетико Мадрид по елиминацијата од Барселона е големо, нашиот најдобар ракометар повторно може да биде горд на својата сезона. Со 12 сезони по ред во најсилниот европски куп, тој е единствениот на континентот со толку долга серија. Лазаров со преку 100 гола предност сеуште е убедливо водечки на вечната листа на стрелци во европските купови, а со тоа и во Лигата на шампионите. Во дресот на Борец, Пелистер, Загреб, Веспрем и Сиудад Реал (Атлетико Мадрид) Лазаров до сега постигнал 732 гола и е единствен кој ја минал границата од 700 гола.

Вечна листа на најдобри стрелци во историјата на европските купови

1.     Кирил Лазаров (од 1998 година)                  732

2.     Сергеј Рутенка (од 2001 година)                   612

3.     Момир Илиќ (од 2004 година)                       453

4.     Филип Јиха (од 2007 година)                          451

5.     Ласло Наџи (од 2000 година)                         390

6.     Марко Вујин (од 2006 година)                                   346

7.     Ханс Линдберг (од 2007 година)                   304

8.     Андерс Егерт (од 2004 година)                      169

·        Листата е на сеуште активни ракометари, заклучно со 28.04.2013 година