Маркусен го замени Атлетико со катарскиот Ал Џаиш
Левиот бек на мадридски Атлетико, Николај Маркусен реши да си замине од Шпанија и да ја продолжи својата кариера во Ал Џаиш - Катар. Данскиот интернационалец заедно со Лазаров беше еден од клучните ракометари на Атлетико и како таков требаше да биде голем адут пред четвртфиналните пресметки од Лигата на шампионите против големиот ривал Барселона.
Затоа големо е изненадувањето што Маркусен побара раскин на договорот и го одбра Ал Џаиш пред дуелот на гигантите во најсилниот европски Куп. Маркусен имаше сезона исполнета со многу повреди и падови и подеми во формата и според информациите од клубот уште од ноември минатата година побарал траснфер. Без него и без можност да биде доведена замена, тимот на Лазаров го подготвува двомечот со Барселона на крајот од месец април.