Швајцарците со Португалија во Сент Гален, со нас во Цирих
Швајцарската ракометна федерација ги одреди градовите домаќини на преостанатите домашни мечеви во квалификациите за Европското првенство во Данска 2014 година. Така на 4 април во 19:30 часот во Сент Гален ќе ја угостат Португалија. Кога веројатно нема да имаат ни теоретски шанси за пласман на континенталниот собир, на 12 јуни во Цирих во „Саал спортхале„ Швајцарија игра со Македонија. Капацитетот на оваа арена е 2.300 гледачи и најчесто селекцијата на Перковац официјални мечеви игра токму во Цирих. Сатницата дополнително ќе биде одредена, но најверојатно мечот ќе се игра во вечерниот термин. Во оваа арена се играат кошаркарски или тениски мечеви, а понекогаш и ракометот добива свое место.