ФОТО: Доручек со Абало и правец за Скопје
Последниот ден во Барселона за нашиот капитен Кирил Лазаров започна со доручек со неговиот бивш колега од Атлетико Мадрид и голем пријател Лук Абало. Двајцата имаа серија на прекрасни моменти во дресот на шпанскиот клуб. Сега имаа половина час да ги прокоментираат осминафиналните мечеви играни вчера.
Во текот на денот Лазаров и нашата ракометна репрезентација патуваат за Скопје, а Кирил Лазаров најави доаѓање во Барселона за полуфиналните мечеви и големото финале в недела. Талант Душебаев им даде уште неколку дена на ракометарите кои учествуваа на мундијалот и в понеделник треба да се јават во главниот град. Со тоа ќе се приклучат на групата од 10-12 ракометари кои редовно тренираа уште од пред две недели. Преку Виена и Белград, ракометарите вечерва ќе пристигнат во татковината.