Лазаров го објави поширокиот список за натпреварите со Финска и Швајцарија

Селекторот на машката сениорска репрезентација, Кирил Лазаров го објави поширокиот список на ракометари за претстојните квалификациски натпревари со репрезентациите на Финска и Швајцарија за пласман на Европското првенство.

За време на ЕХФ неделата сениорите ќе ги одиграат двата последни натпревари од квалификациската група за пласман на континенталниот собир што ќе се одржи во Унгарија и Словачка.

Сениорите прво ќе гостуваат во Финска на 28 април, а на 2 мај во CЦ „Јане Сандански" против Швајцарија ќе го одиграат последниот натпревар од квалификациите за пласман на Европското првенство.