Игор Котевски е нов тренер на Голден Арт КЛ7

Еден од најдобрите македонски ракометари на сите времиња, Игор Котевски е изборот на раководството на најмладиот ракометен суперлигаш за нов шеф на стручниот штаб.

Котевски во својата играчка кариера има настапувано за Пелистер, Борец, Јафа-Промет Ресен, Вардар Ватростална, Борaц Бања Лука, Пелистер, РК Македонија, а како тренер досега работел во младинскатa екипа на Вардар, РК Македонија, Драчево, Пролет, Бутел и Металург 2. Филозофијата на работа и создавање на млади играчи е заедничка појдовна основа за оваа соработка на прославениот пивот и младиот клуб.

Котевски ќе работи на надградба на младите играчи во клубот, кои се основа на идните успеси на истиот.