Брестовац го објави поширокиот список за последните натпревари од квалификациите

Селекторот на Македонската сениорска репрезентација Данило Брестовац го објави поширокиот список на ракометари за претстојните квалификациски натпревари против репрезентациите на Турција и Грција за пласман на ЕП 2020 година.

Сениорите петтиот натпревар од квалификациската група ќе го одиграат на 12.06.2019 против репрезентацијата на Турција во Ескишехир во 19:00 часот. Последниот натпревар на сениорите е против селекцијата на Грција и ќе се одигра на 16.06.2019 во Струмица со почеток во 18:00 часот.

Македонија го дели првото место во квалификациската група заедно со селекцијата на Исланд.