Лесна победа на Нант над Истр за продолжување на серијата
Нант - Истр 39:31 (22:14)
Нант на Кирил Лазаров ја продолжи својата серија на победи во домашното првенство и вечерва славеше против Истр со 39:31. Иако Анти ротираше, лесно беше наметната поквалитетната игра во двата правци и европскиот вицешампион запиша нови бодови.
Домаќините започнаа да го „газат" противникот и по десет минути водеа со 11:6, а а на одмор заминаа со 22:14. Со овој резултат се замина на пауза.
Во вториот дел, Нант не му дозволи на Истр резултатски да се доближи, па на крајот Лазаров и другарите славеа со +8.
Лазаров настапи во финишот и постигна еден погодок. Блескаше Валеро Ривера со 12 гола, Балагер даде шест, а Пехмалбек пет, додека кај Истр, Боши беше прв стрелец со шест гола.
Нант се наоѓа на второто место во француското првенство со 26 бода, зад лидерот ПСЖ на Раул Гонзалез.