Кирил Лазаров прогласен за најдобар ракометар за декември минатата година

Капитенот на македонската репрезентација Кирил Лазаров пред почетокот на Светското првенство доби признание од ЕХФ како најдобар ракометар за декември, 2016 година. Ова е прво вакво признание во неговата кариера.

„За мене оваа награда претставува голема чест што бев избран за најдобар ракометар во декември, бидејќи ова е прва ваква чест во мојата кариера. Голем е бројот на ракометни ѕвезди кои што се дел од европските натпреварувања и даваат дополнителна тежина на оваа награда. Благодарност до сите тие кои што го дадоа гласот за мене" рече нашиот најдобар ракометар, Лазаров.

Наградата за најдобра ракометарка за последниот месец од минатата година и припадна на Холанѓанката Нике Грот од Ѓер.