Шабановиќ нов голман на Атлетико

Само неколку недели по тешката повреда на Хозе Хавиер Омбрадос, управата на Атлетико Мадрид ја пронајде неговата замена до крајот на тековната сезона. Од денес нов член на европскиот вицепрвак е репрезентативецот на БиХ Аднан Шабановиќ, кој е висок 193 сантиметри и тежок 103 килограми. 35 годишниот голман од Зеница заедно со норвежанецот Дал и младиот Диез ќе ја имаат задачата да ги заменат до минатата сезона незаменливите Штербик (замина во Барселона) и Омрадос (повреден до крајот на сезоната).

Шабановиќ покрај долгата кариера во националната репрезентација, доаѓа како слободен ракометар, а последен негов клуб е Слога од Добој со која играше минатата сезона во Челинџ купот. Претходно настапувал за останатите босански клубови Босна, Извиџач, Криваја и Железничар. Неговото претставување е во вторник во 12:00 часот, а првиот тренинг истата вечер од 19:00 часот. Со доведувањето на Шабановиќ, Атлетико Мадрид ја пополни најболната позиција и дебито на новиот голман се очекува на 11 ноември со Суидад Енкантада во „Висталегре„ во Мадрид.