ВИДЕО: Стефановски: „Втора фаза би била успех, но одиме меч по меч„

Капитенот на првата ракометна репрезентација на Македонија и бившиот селектор Стевче Стефановски во воведната емисија за европското првенство на ТЕРА ТВ, одреди што според него би биле реални очекувања на оваа наша репрезентација во Данска:

„Мислам дека треба да одиме меч по меч. Ако ги надминеме противниците од групата, тогаш вкрстуваме со репрезентации како Исланд, Шпанија, Унгарија кои доаѓаат со многу проблеми и со изменети состави. Потоа можат да ни се отворат многу хоризонти. Но ние не знаеме да калкулираме. Мора да одиме меч по меч. Мислам дека пласман во втората фаза меѓу 12 најдобри е реалност и би бил успех„ вели Стефановски, кој не пропушти да нагласи дека безрезервно верува во оваа репрезентација.