ФОТО: Груевски им посака среќа на ракометарите

Денеска во СРЦ "Кале" во Скопје, премиерот на Владата на Република Македонија, Никола Груевски ја посети македонската машка сениорска репрезентација на нејзиниот тренинг пред заминувањето на Европското првенство во Данска кое ќе стартува на 12 јануари.

Груевски им посака среќа и успех на нашите ракометари на претстојниот континентален собир и изрази убедување дека играчите ќе дадат максимум од себе "Ќе бидеме со вас, со вашите мисли и срца.

Секогаш не зависи од вас, и самата среќа има големо влијание. Да го дадете максимумот од себе. Она што го очекуваме и убеден сум дека ќе го направите е да дадете максимум", рече Груевски.