Лазаров со максимален број на мечеви оваа есен

По преминот од Атлетико Мадрид во Барселона, Кирил Лазаров имаше напорни скоро четири месеци, во кои не пропушти ниту еден натпревар и освои три трофеи: IHF Суперглоб, АSOBAL Суперкупот и ASOBAL Купот. Згора на тоа неговата Барса е првопласирана во својата група на Лигата на шампионите и ASOBAL Купот

36 меча на Кирил Лазаров во есенскиот дел од сезоната 2013/14

ASOBAL лига - 15 меча

ASOBAL Суперкуп - 1 меч

ASOBAL Куп - 2 меча

Kуп на шпанскиот Крал - 2 меча

Лига на шампиони - 7 меча

IHF Суперглоб - 5 меча

Kаталонски Супер Куп - 1 меч

Пријателски меч (клуб) - 1 меч

Пријателски меч (репрезентација) - 2 меча

Лазаров ги доби скоро сите мечеви од споменатите 36, со исклучок на мечот со Вардар во Скопје, кој заврши нерешено во рамките на 1 коло од групната фаза на Лигата на шампионите. Но ова е само половина од сезоната во која, Лазаров јуриша на освојување на останатите трофеи со Барселона и на што е можно подобар пласман со македонската репрезентација на Европското првенство во Данска (12 - 26 јануари 2014 година).