ВИДЕО: „Страшните момци во акција„

Од пред неколку дена најавениот видео спот кој го претставува АSOBAL Купот во Барселона на 21 и 22 декември, од денес може да се види во етер. Под мотото „Ја имаме тајната да го освоиме ASOBAL Купот„ момците на Хавиер Пасквал ја знаат својата мисија.

Од мозокот на проектот, Хавиер Пасквал, преку „телохранителите„ Даниел Шариќ и Арпад Штербик, до убоитите стрелци меѓу кои е и нашиот Кирил Лазаров. Целата група Барселона е подготвена за викенд предизвикот, кој во „Палау Блауграна„ ќе ни го даде победникот. Титулата ја брани Барселона, а ја напаѓаат уште Натурхаус Ла Роха, Грањолерс и полуфиналниот противник Хуеска. Видео спотот се очекува деновиве да го обиколи светот и да ја анимира шпанската и каталонската јавност да му даде значај на овој настан, како што тој заслужува.