ВИДЕО: „Фалангата„ подготвува инвазија на Данска

На нешто повеќе од еден месец до стартот на Европското првенство во ракомет во Данска, нашата нација полека се загрева за уште еден голем настан. Членови на „фалангата„ уште од пред некој месец по ждрепката ги планираат сите детали поврзани во нашата група во Хернинг.

Од билетите за првата фаза, преку детали околу патот и сместувањето. Инспиративни видеа кружат низ социјалните мрежи, за во Данска нашата ракометна репрезентација да се чувствува како дома. Следно што е на програмата според планот селекцијата се подготовките во Хрватска, а во рамките на тие подготовки ќе се замине на кратко гостување во Словенија, со чија селекција ќе се одигра контролен меч на 27 декември во Копер. На крајот пред патувањето за Хернинг, во Скопје ќе се одржи турнир на кој покрај Македонија треба да учествуваат уште Црна Гора и Србија. Веројатно нема да се бара четврти учесник за да не се исфорсира тимот и да се намали ризикот од евентуални повреди.