Лазаров кандидат за играч на 2013 година
Во изборот на престижниот ракометен портал „Handball-planet„ номинирани се најдобрите ракометари на секоја позиција од кои ќе произлезе и најдобриот за 2013 година. На местото десен бек во потесен избор е и капитенот на македонскатата репрезентација Кирил Лазаров.
Ракометарот на Барселона заедно со Ласло Наџи од Фотекс Веспрем и шпанецот Македа од Нант влегоа во финалниот избор. Гласањето ќе го извршат посетителите и читателите на споменатиот портал, како и 12 новинари специјализирани за ракомет од целиот континент. Меѓу нив е и новинарот на „Македонски спорт„ Ричи Ѓамовски, како претставник на Македонија. Минатата година за најдобар ракометар за 2012 година беше избран Филип Јиха.