ФОТО: Светската круна веќе го краси клубскиот музеј
По победата над Хелветиа Анаитасума, ракометарите на Барселона имаа нова причина за свеченост, славје и заедничка вечера. Имено како што е традиција во клубот по освојувањето на големи трофеи, така и синоќа големата Барселона организираше своја манифестација.
Капитенот Виктор Томас го донесе големиот пехар од IHF Супеглоб, кој Барселона го освои за прв пат во историјата на почетокот на септември. По чинот на придодавање во големата витрина на каталонскиот клуб на единствениот ракометен пехар кој до скоро му недостигаше, следеше свечена вечера.
Сите ракометари и стручниот штаб, заедно со нивните семејства присуствуваа на вечерата во еден ресторан на самиот стадион „Камп Ноу„ и имаа можност да го прослават не само овој трофеј, туку и одличниот старт на сезоната во која, Лазаров и другарите добија 16 од 17 официјални натпревари.