„Replay„ ке ја облекува Барса во сите свои секции

Брендот наречен Барселона се шири се повеќе и повеќе. Така пред некој ден славната каталонска екипа потпиша договор со познатата компанија „Replay„ која ќе ги облекува големите спортски звезди кога се надвор од теренот, а го застапуваат клубот.

Така на местото на класичните комбинации како до сега Меси, Нејмар, Наваро, Лазаров, Рутенка и сите останати ќе носат „Replay„ Договорот е потпишан на четири години и до овој момент позираа само фудбалерите, а во кошули, фармерки и сакоа на „Replay„ наскоро ќе ги видиме и останатите секции: ракометарите, кошаркарите, хокеарите и спортистите од мал фудбал. Дури и познатата италијанска компанија, размислува за воведување на своја линија наречена Барса.