Ракометната школа „Лазарови„ со се поголема заинтересираност

Капитенот на македонската ракометна репрезентација, Кирил Лазаров од секогаш опоменувал да се обрати внимение на младите категории и да се мисли што кога ќе замине од големата сцена оваа генерација. Во неговото родно Свети Николе веќе од поодамна работи ракометната школа „Лазарови„ и од година во година се пристапува многу посериозно и посериозно.

Заинтересираноста расте, а во овој момент членуваат повеќе од 35 момчиња во повеќе возрасни категории. Школата ја водат првиот тренер на Кирил Лазаров, Иле Јанев и бившиот сограч на звездата на Барса, Илија Конев. Нивниот проект започна со основната цел да се доближи овој спорт до најмладите и тие да се отргнат од секојдневните пороци. Денес напредокот е евидентен и големи се шансите и во иднина да излегуваат големи ракометни асови од Свети Николе, од каде изникнаа двата капитени на националните репрезентации Кирил Лазаров и Гордана Нацева, а со години националниот дрес го носи и Филип Лазаров.