ВИДЕО: Пасквал: „Не очекува Супер Лига на шампиони„

Младиот тренер на шпанскиот освојувач на лигата, ASOBAL Суперкупот и ASOBAL Купот, Хавиер Пасквал се осврна на новото издание на Лигата на шампионите, чии квалификации се на крајот од месец август. Пасквал ги анализираше сите свои противници, а не го заборави ниту Вардар кој преку ноќ стана респектабилна европска екипа, полна со интернационални звезди.

„Не очекува Супер лига на шампиони. Оваа година неколку екипи значително се засилија. Не е тука само ПСЖ. Мислам и на Веспрем, кој се засили во сите линии и конструира екипа за да ја освои Лигата на шампионите. Киелце веќе беше на Final four и го купи веројатно најдобриот кружен напаѓач во светот, Хулен Агинагалде. Тука се како и секогаш германците, предводени од Кил, се враќа Рејн Ловен Некер, тука е Флензбург. Има уште 3-4 добри екипи и ваквата Лига на шампиони нуди задоволство за сите. И кога ќе помислите дека се појави русин кој инвестира во Македонија и носи играчи од Чеховски медведи, тоа ви кажува дека Лигата е многу атрактивна и ќе се обидеме да ја освоиме„ изјави Пасквал на каталонски за клубската телевизија Барса ТВ.