ВИДЕО: Лазаров: „Можеме да трчаме, да имаме фитнес, но ракометот е најважен„
Важна новина во интернетот светот за фановите на шпанскиот ракометен првак Барселона е секојдневниот видеоблог, во кој секој ден некој од ракометарите говори за тоа како минуваат деновите во Андора на базичната фаза на подготовките. Така нашиот Кирил Лазаров директно од неговата хотелска соба ни ги опиша сите детали со вториот ден од подготовките, во кој ракометарите на Пасквал имаа три тренинзи дневно.
„Здраво на сите. Денес ви говорам од нашата хотелска соба. Мина и вториот ден. Сеуште се гледаат насмевки на нашите лица. Минавме тежок период, одработивме три тренинзи. Малку чудно за мене, бидејќи одамна сум немал толку многу тренинзи. Секогаш во предсезоната имав најмногу два силни тренинзи. Денес имавме три и задоволен сум. Тоа што најмногу ми се допаѓа е што почнавме со ракомет. Ние можеме да трчаме, да имаме фитнес тренинг, но ракометот е најважен. И затоа сум задоволен, работиме на тактика и пак ќе се видиме утре. Мислам дека и утре ќе ја задржам насмевката, иако како што минуваат деновите ние сме поуморни и поуморни„ заклучи Лазаров, анализирајќи го вториот од петте дена на каталонците на Андора за време на „брусењето„ на формата на шпанскиот првак.