ВИДЕО: Лазаров: „Треба да одиме чекор по чекор, без брзање„
Како и секогаш смирен и со баланс во секој изговорен збор, Кирил Лазаров зборуваше за многубројните новинари на официјалниот старт на сезоната во „Палау Блауграна„ Лазаров потврди дека со нетрпение го чекал новиот почеток и дека е посебно мотивиран:
„Нашата цел е во првите еден-два месеци да ги добиваме натпреварите. Не е важно како и со колку голови, со еден, два разлика. И ние со Никола како нови ракометари полека да влеземе во системот на игра. Реков на претставувањето дека нема да ми треба многу време да се адаптирам, бидејќи играв тука во Атлетико Мадрид. Знам како се игра, каков е системот на Барселона и како што реков чекор по чекор, без брзање и како што одминува времето ќе бидеме се подобри„ рече Лазаров за шпанските медиуми и за клубската телевизија на Барселона.