Ждрепката за ASOBAL лигата на 25 јули
На 25 јули во просториите на ASOBAL ќе се изврши ждрепката за новата сезона во најсилното шпанско ракометно друштво за сезоната 2013/14. 24тата по ред сезона во ASOBAL лигата ќе биде посиромашна за Атлетико Мадрид, кој повеќе не постои и деновиве ќе се знае дефинитивно која екипа ќе го заземе неговото место и во првенствените мечеви и во ASOBAL Суперкупот.
За неколку дена ќе дознаеме и против која екипа ќе дебитира нашиот Кирил Лазаров во неговиот нов клуб Барселона. Првенството ќе биде поделено во две фази: есенскиот дел до почетокот на декември и пролетниот од фебруари 2014 година по Европското првенство во Данска. Втора година по ред завршницата на Кралскиот Куп ќе биде по принципот FINAL FOUR, како минатиот мај во Логроњо.