Додека светот на тенисот е насочен кон Вимблдон и неофицијалното светско првенство во тенис на трева, најдобриот македонски ракометар Кирил Лазаров слободното време во Скопје го минува забавувајќи се со тенис на земја. По напорните месеци и патувања на релација Македонија - Швајцарија - Шпанија, капитенот на нашата репрезентација го обожава тенисот и во секоја слободна прилика го практикува, барем рекреативно.
А со оглед на тоа што е левичар, сигурно им создал многу проблеми на своите противници. А Кире не сака никогаш да губи, па можете да претпоставите како завршуваат неговите мечеви во тенис.