ВИДЕО: Мојсоски: „Оваа генерација уште не го кажала последниот збор„

Иако играше далеку од максимално подготвен, Наумче Мојсоски и во Швајцарија и со Португалија даде се од себе и на најдобар можен начин ја заокружи сезоната. Тој верува дека ова не е максимумот на неговата генерација и дека во Данска, сите можеме да очекуваме повеќе од досега.

„По поразот во Португалија и двата неуспеси со Шпанија, многумина не отпишаа. Кај нас оптимизмот остана, не исчезна, но истиот дополнително се зголеми откако успеавме да славиме во Цирих и по победата на Шпанија над Португалија. Тоа ни даде енергија да завршиме како што треба. Оваа генерација го заслужува тоа и докажа дека може да го продолжи континуитетот на настапи на големите натпреварувања. Мислам дека се уште не сме го кажале последниот збор и се надевам на успех во Данска сличен на оној од Србија, бидејќи во Скандинавија има голем број Македонци кои ќе ни дадат поддршка на европскиот шампионат" рече по квалификацијата Наумче Мојсовски.