ВИДЕО: Кој гол е нај-гол на Лазаров за Македонија?

Преку 1000 постигнати голови за Македонија. Голем дел од нив вградени во историски победи, некои во последните моменти од средбите, кога најмногу треба. И во неделата Кирил Лазаров ја поведе својата репрезентација како секој вистински капитен. Неговиот лоб-седмерец со десна рака во финишот од мечот и денес се раскажува.

Важи за гол за секоја најавна шпица, за „шлаг на тортата„ за прослава на третото европско првенство за Македонија. Но ваквиот тип на голови, не е нов за Лазаров. Тој знаел секогаш да извлече ас од ракавот и да погоди на спектакуларен начин, кога е најпотребно. Се сеќавате ли на последниот гол во големата победа над Русија во групната фаза на светското првенство во Хрватска 2009 година? Токму тој беше симбол на една голема победа, а седмерецот со Португалија заокружува еден квалификациски циклус. Кој од двата гола повеќе ви се допаѓа? Поделете ги вашите коментари на официјалниот профил на Кирил Лазаров на социјалните мрежи...