ВИДЕО: Алушовски в недела ја завршува кариерата
На официјалната прес-конференција во пресрет на клучниот натпревар со Португалија за пласман на европското првенство во Данска, највозрасниот активен репрезентативец Стевче Алушовски објави дека со неделниот меч ќе ја заврши богатата кариера.
„Ова ќе биде моето последно обраќање до вас како репрезентативец на Македонија. По 21 година репрезентативна кариера во недела го играм последниот меч. Тешко е има емоции, но време е да повлечам линија. Секогаш од љубов и беспрекорно залагање го носев дресот на Македонија. Навистина би сакал моето простување од репрезентативниот меч да биде триумфално против Португалија„ изјави Алушовски, кој се заблагодари на сегашното раководство на РФМ и селекторот за укажаната можност на достоинствен начин да се збогува со репрезентацијата.