ФОТО: Ракометната елита присутна на промоцијата

Промоцијата на автобиографијата на најдобриот македонски ракометар Кирил Лазаров со своето присуство ја збогатија повеќето од селекторите откога тој игра за репрезентацијата: Стефче Стефановски, Илија Темелковски, Звонко Шундовски, Ивица Обрван, потоа селекторот на женската репрезентација Гино Стрезовски, претседателот на Ракометната федерација на Македонија Живко Мукаетов, неговите претходници Михајло Михајловски и Трифун Костовски, генералниот секретар Филип Милошевски, одбојкарскиот тренер Јошко Миленковски, спонзорот и спортски директор на Вардар про и на Вардар СЦБТ Сергеј Самсоненко, легендата на македонскиот женски ракомет и тренер на Вардар СЦБТ Индира Кастратовиќ, поранешниот премиер Владо Бучковски, луѓе од бизнизот и голем број деца. Комплетната репрезентација исто така беше на промоцијата и потоа ја одржа својата редовна прес-конференција во пресрет на мечот Македонија - Португалија в недела од 20:30 часот.