Лазаров: „Чест е да се биде дел од оваа спортска институција„

На 7 јуни најтрофејниот клуб во историјата на оваа игра ја обелодени соработката со својата нова аквизиција. Кирил Лазаров останува во Шпанија, но од главниот град се сели во Каталонија, каде ќе настапува во „Палау Блауграна„ за актуелниот вицешампион на Европа

„Чест и задоволство ми е што во наредниот период ќе бидам дел од спортската институција Барселона. Ова за мене е уште еден чекор понапред во мојата кариера и се надевам со мојот придонес , Барселона ќе биде поквалитетен тим, кој ќе остварува како и секогаш зацртаните цели. Добро ми е познат системот на игра, бидејќи веќе подолго време сум учесник во ASOBAL лигата и сигурен сум дека брзо ќе се вклопам во него„ ни рече Лазаров по официјализацијата на неговиот премин од Атлетико Мадрид во Барселона.