ВИДЕО: Мојсоски: „Против Словенија цврсто и со тактиката Металург„

По изедначеното прво полувреме Македонија во вториот дел за краток временски период го скрши отпорот на Австрија. Иако мечот влезе во конфузија во која имаше обострани исклучувања, но изедначен критериум на судиите, Македонија со сите свои ресурси се оддалечи од противникот Австрија и по трет пат го совлада тимот на Јоханесон во четири меѓусебни дуели:

„Веќе на секое натпреварување играме со Австрија и добро се познаваме. Затоа немаше со што да не изненадат. Успеавме да наметнеме наша игра во нападот, ја збивме одбраната и победата мораше да дојде. Но со млада и полетна и тркачки способна Словенија, ќе мораме уште подобро. Одбраната мора да ни биде поцврста, нападите подолги. Може да биде како Металург пред неколку години кога буквално ја давеше топката со долги напади. Но тие се многу поквалитетен состав од Австрија и ќе се излажеме ако мислеме дека ќе биде лесно„ констатираше Наумче Мојсоски. Плејмејкерот е свесен дека в недела можеби е мечот кој оваа генерација со години го чекаше и треба да се подготват и најмалите детали за мечот со Словенија.