ВИДЕО: Прибак: „Не очекувам ништо повеќе од босанците на овој мундијал„

Еден од оние кои ги искористија своите минути против Иран е Немања Прибак, кој е безрезервен оптимист за нашето светско првенство и верува дека и натаму ќе продолжиме да победуваме. Исто така ни малку не стравува од наредниот ривал, Босна и Херцеговина со кој ќе се соочиме утре попладне:

„Одамна немам видено такви шутери како иранците, но два бода си се два бода. Мислам дека имаме енергија. На првиот меч повеќе играше една постава, на вториот повеќе друга и сепак ги распоредивме силите. Мислам дека ќе бидеме прави против Босна и Херцеговина. Да бидам реален јас не очекував ништо повеќе од ова што до сега го направија босанците на овој мундијал. Но точно е дека се чудна репрезентација. Секој меч е различен и треба сериозно да му пријдеме„ ни рече Немања Прибак, автор на 5 гола од 5 обиди, во својот најпозитивен и најефикасен натпревар во дресот на македонската ракометна репрезентација.