Литвански судии ќе го водат мечот Македонија - Босна

Утринава беа објавени делегирањата за мечевите од првата половина на третото коло, кое се игра денес. Литванските судии Миндаугас Гателис и Ваидас Мазеика ќе ја делат правдата на мечот Македонија - Босна во 17 часот по средно европско време во „Али бин Хамед Ал Атијах арената„ во областа Ал Саад во центарот на Доха.

Официјални лица на средбата се уште Рамон Гаљего од Шпанија, Салвио Седрез од Бразил и Марко Този Бранди од Италија. Нашиот Драган Начевски е делагат на средбата Белорусија - Бразил која се игра од 15:00 часот во „Лусаил арена„ во Доха.