ВИДЕО: Тунискиот радио коментатор во елемент

Во Тунис владее голема еуфорија околу светското првенство во ракомет. Тоа може да се забележи во салите, низ градот, многу често и во разговорите со туниските новинари. Коментаторот на туниското национално радио е личен доказ за еуфоријата. Начинот на кој ги води натпреварите на момците на Хасанефендиќ е вистинска атракција.

Како да е дел од тимот, внесен 100% во натпреварот, коментира со целото свое срце и душа. Мечевите на неговиот Тунис скоро секогаш се така драматични што емоции во неговиот пренос има колку што сакаш. Погледнете го видеото со извадоци од неговите реакции на мечот со Австрија, кој заврши без победник.