Карабатиќ ја разбуди Франција, застрашувачко издание на Шведска

Во последниот термин на четвртиот ден на светското првенство најдраматично беше во „Духиал арената„ каде Франција го доби Египет со 28:24 (14:11). Никола Карабаиќ ги покри дефанзивните проблеми и само 6 одбрани на голманите за втора победа на европскиот првак. Кај Египет Мохамед Амер постигна 5 гола од исто толку обиди.

Во „Ал Саад арената„ на многу лесен начин Шведска го „скрши„ отпорот на Чешка, за која не настапи Филип Јиха. Конечниот резултат кој гласи 36:22 (19:10) покажува дека уште по 10 минута „викинзите лесно се одлепија и без притисок дојдоа до втората победа на мундијалот. Само тренинг за данската репрезентација беше мечот со Саудиска Арабија, кој скандинавците го добија со 38:18 (20:6). Кај европскиот вицешампион се истакнаа Хенрик Фотф Хансен со 8 гола од 8 обиди и голманот Грин со 20 интервенции.

Франција - Египет 28:24 (14:11)

Шведска - Чешка 36:22 (19:10)

Данска - Саудиска Арабија 38:18 (20:6)