Од скопската нула, ракометарите во Доха се на +24

Mакедонските ракометари според планот пристигнаa во главниот град на Катар, Доха. Претходно нашите ракометари учествуваа на меѓународниот турнир во Нант, па променија три температурни зони, три различни клими. Од скопскиот снег и температурата околу и под нулата, преку сончевите 10тина степени во Франција, до катарските 20 и преку 20.

Според најавената месечна временска прогноза за Катар, во текот на мундијалот температурата ќе се движи од 19 до 24 степени. Овие денови кои му претходат на првиот меч со Тунис, Лазаров и другарите ќе ги искористат за добро да се аклиматизираат на нивниот јануарски дом, каде веруваме ќе останат што е можно подолго.