Лазаров меѓу идеалните седум на Лино Червар

Во интервјуто со хрватскиот весник „24 часа", тренерот на Металург и светскиот првак со Хрватска, Лино Червар ја одбра неговата идеална постава од седум ракометари кои настапуваат на Светското првенство во Катар. Место во неа има и за капитенот нашата селекција Кирил Лазаров.

Голман:
Никлас Ландин (Данска) - Една од најсилните алки на Рајн-Некар и на Данска. Наскоро ќе оди во Кил.

Лево крило:
Уве Генсхајмер (Германија) - Игра одлично во Рајн-Некар, моментно е најдобриот германски ракометар.

Десно крило:
Иван Чупиќ (Хрватска) - Веќе со години наша гордост на дено крило. Одлично шутира и седмерци.

Лев бек:
Никола Карабатиќ (Франција) - Тој за Франција е поважен и од Омејер.

Среден бек:
Домагој Дувњак (Хрватска) - Најдобар ракометар на светот за 2013 и најдобар во Хрватска во 2014.

Десен бек:
Кирил Лазаров (Македонија) - Одличен во Барса, има топ во раката. Најдобар стрелец во ЛШ со 64 гола.

Кружен напаѓач:
Игор Вори (Хрватска) - Има девет медали со Хрватска, со години еден од најдобрите пивоти во светот.