ФОТО: Фалангата се групира и се зголемува низ Доха

Многу тунижани живеат во Катар и утре за мечот со нашата репрезентација се очекува голема подршка за селекцијата вицешампион на својот континент. Но полека се зголемува и бројот на македонски навивачи, кои деновите или пристигнаа или во секој момент треба да пристигнат во Доха.

Организирано, групно или инвидуално стотина македонски навивачи веќе се во Доха, а неколку десетици македонци кои живеат и работат во оваа мала земја ќе им се приклучат. Тие се загреваат низ прекрасниот катарски град, и обоени во црвено-жолтата боја ги пеат препознатливите навивачки песни. Со летови преку Истанбул, Загреб или Рим, македонците и овој јануари се поистоветуваат со својата машка ракометна репрезентација и ќе се обидат да им бидат осми играч и во далечниот Катар.