ВИДЕО: Стоилов: „Одигравме величествен меч, но вака мораме и со Иран„

Во меч во кој за играч на натпреварот бепе прогласен Манасков, блескаше капитенот Лазаров, Борко Ристовски го чуваше нашиот гол во голем стил, одлични изданија и на сите останати наши членови на првиот тим и на оние кои добија шанса од клупата. Стојанче Стоилов во двата правци лавовски се бореше, покажуваше знаци на формата од Србија 2012 и покрај уморот по средбата на неговото лице видливо беше задоволството:

„Никој не очекуваше дека ќе одиграме вака квалитетно и дека ќе совладаме толку силен противник со 8 гола разлика. Но ние кои напорно работевме знаеме дека оваа репрезентација има квалитети и вредности. Но ова е само почеток и имаме уште многу да направиме на овој турнир. Мислам дека сега ќе играме уште подобро. Не треба да не залажува и наредниот противник. Иран е квалитетен ривал и мора сериозно да му пријдеме„ изјави по мечот Стојнан че Стоилов, автор на комплетен натпревар и во одбраната и во нападот.