Предводникот на Франција Клод Онеста кој со Франција беше двоен светски првак, 2009 и 2011, легендарниот швеѓанец Штафан Олсон кој беше првак на светот во 1990 и 1999 година и селекторот на Катар, шпанецот Валеро Ривера кој пред две години со својата Шпанија го освои златото, се единствените селектори кои имаат светска титула на ова работно место во Доха.
Хрватскиот селектор Славко Голужа беше светски првак, но како ракометар на мундијалот во Португалија во 2003 година. Дури 8 репрезентации од 24 колку што учествуваат во Катар имаат селектори странци, а меѓу нив е и Македонија со Ивица Обрван.