Израел „прегазен„ во затворениот тест

Ракометната репрезентација на Македонија забележа и втора победа над Израел на затворениот тест во СЦ „Јане Сандански„ во Скопје. Овој пат црвено-жолтите славеа со 42:32 во регуларниот тек од мечот. Потоа беше одиграно уште едно мини - полувреме од 20 минути, во кое исто така Македонија беше подобра со 11:9.

Дејан Манасков потпиша 7 погодоци, а капитенот Кирил Лазаров додаде уште 6. Златко Мојсовски беше стрелец на 4 гола, а по 3 постигнаа Наумче Мојсовски, Прибак, Недановски, Ојлески и Гоце Георгиевски.