Скандинавското дерби за Данска, Исланд подобар од Германија

Турнирски или пријателски натпревари, полека се прават завршните подготовки за светското првенство. Така синоќа во „Малме арената„ пред близу 10.000 гледачи комшиите Шведска и Данска одиграа до крај драматичен меч, кој на крајот го добија данците со 23:24 (11:10). Микел Хансен со 8 гола беше прво име на средбата, а повратникот Ким Андерсон постигна 4 за шведската селекција.

Во Рејкјавик добрата форма ја потврди и Исланд кој во дуелот на двете селекции кои добија вајлд-карта за учество на мундијалот, ја совлада Германија со 25:24 (12:12). На 9 јануари Исланд и Шведска во меѓусебен меч во Кристанштад ќе го имаат последниот тест пред заминување за Доха. Денес од 18 часот Австрија во својот последен пријателски меч игра со Швајцарија.