9 европски пара меѓу кои и Николов и Начевски на мундијалот

Светската ракометна федерација за потребите на мундијалот, каде во 18 дена ќе се одиграат вкупно 88 мундијалски средби, делегираше 18 судиски двојки од 18 држави. Македонија ќе биде застапена со судиската двојка Ѓорѓи Начевски и Славе Николов, кои се редовни учесници на големите ракометни собири.

Пријавени се и следните судиски парови: Матија Губица и Борис Милошевиќ (Хрватска), Ненад Николиќ и Душан Стојковиќ (Србија), Ненад Крстиќ и Петар Љубиќ (Словенија), Вацлав Хорачек и Јиржи Новотни (Чешка), Мартин Гединг и Мадс Хансен (Данска), Миндаугас Гателис и Ваидас Мажејка (Литванија), Оскар Лопез и Ангел Рамирез (Шпанија) и Ларс Гејпел и Маркус Хелбиг (Германија). Сите овие судии се европскиот избор и имаат големи шанси да ги водат и одлучувачките натпревари на овој мундијал.