Најгледано ЕУРО во историјата

Континенталниот собир од 12 до 26 јануари во Данска го пренесуваат 75 ТВ-станици и ќе биде гледано во 175 земји од светот, што според ЕХФ е нов рекорд на европските првенства, потврди Михаел Видерер, генералниот секретар на ЕХФ.

Европската куќа на ракометот истакна дека е воодушевена што „Јуске Банк Боксен" во Хернинг е распродадена за првиот круг, поради настапите на домашната селекција. Се очекува така да биде и за втората фаза во овој град, а и за полуфиналето и финалето кое исто така ќе се играат во Хернинг.