ВИДЕО: Јоноски: „Теретот ќе падне на централниот дел од одбраната„

На редовниот брифинг со новинарите на денот на одигрување на второт меч во А групата на европското првенство, столбот на одбраната Ацо Јоноски ги пренесе своите лични сензации од првите неколку дена на шампионатот:

„Полека се навикнувам на игра во два правци, иако не е лесно. Кога се заморувам барам да бидам заменет, бидејќи треба да се издржи толку многу трчање. Знаеме дека Чешка потфрли на мечот со Австрија, но знаеме и дека нивните бекови се нивниот најсилен адут. Затоа товарот ќе падне на централниот дел на одбраната, но ние сме подготвени за мечот и едвај чекаме да дојде почетокот„ истакна стружанецот, кој вели дека Јиха е „скениран„ од македонскиот табор до најмалиот детал „Го следиме како се однесува на доручек и ручек, а камо ли на теренот„ рече Јоноски. Нашите ракометари веруваат дека ако играат како во централната фаза на мечот со Данска ќе слават на мечот со Чешка и уште вечерва ќе се радуваме на пласман во втората групна фаза.